اسلام آباد۔16ستمبر(اے پی پی)وفاقی وزیر برائے موسمیاتی تبدیلی و ماحولیاتی رابطہ ڈاکٹر مصدق ملک اتے پاکستان اچ سویڈن دی سفیر الیگزینڈرا برگ وان لنڈے ملاقات کیتی۔ ملاقات اچ پاکستان اچ حالیہ سیلاب توں تھیوݨ آلیاں تباہیاں تے ڳالھ مہاڑ کیتی ڳئی جنہاں انسانی جاناں، روزگار اتے بنیادی ڈھانچے کوں ٻہوں نقصان پڄائے۔ ڈاکٹر مصدق ملک ݙسایا جو کمزور طبقاں کوں ودھدے ہوئے موسمیاتی خطرے توں محفوظ بݨاوݨ کیتے تیکھی کلائمیٹ فنانس، ٹیکنالوجی دی منتقلی اتے لچک پیدا کرݨ دے اقدامات، موسمیاتی عمل، پائیدار ترقی اتے ہرے رنگ دی جدت دے شعبیاں اچ تعاون ودھاوݨ دے امکانات تے غور کیتا ڳیا۔ تعلیمی اتے تحقیقی تعاون دے مواقع، طالب علماں اتے فیکلٹی دے تبادلے، پائیدار رہائشی منصوبیاں دے مسئلیں تے وی ڳالھ مہاڑ کیتی ڳئی۔ الیگزینڈرا برگ وان لنڈے ڈاکٹر مصدق ملک کوں اڳوں تھیوݨ آلے COP-30 اچ برازیل اچ قائم سویڈش پویلین دے دورے دی دعوت ݙتی۔ ݙوہیں فریقاں اتفاق کیتا جو عالمی موسمیاتی سفارت کاری اچ مسلسل رابطہ رکھیا ویسی اتے سانجھے اقدامات کوں اڳو تے ودھایا ویسی تاں جو ہک پائیدار اتے لچکدار مستقبل یقینی بݨایا ونج سڳے۔
