اسلام آباد۔16ستمبر (اے پی پی) نائب وزیراعظم تے وزیر خارجہ سینیٹر محمد اسحاق ڈار آکھیا جو پاکستان پاکستان تنازعیاں دے ڳالھ مہاڑ نال پرامن حل دا حامی، اسرائیل دا لبنان اتے شام دے بعد قطر تے حملہ قبول کائنی۔ او آئی سی فورم توں بھرپور انداز اچ اسرائیلی حملے دی مذمت کیتی ڳئی۔ اے ڳالھیں انہاں “الجزیرہ” کوں انٹرویو اچ کیتی۔ نائب وزیراعظم آکھیا جو پاکستان دہشت گردی دے خلاف جنگ اچ سب توں ودھ قربانیاں ݙتن، پاکستان امن پسند ملک اے اتے مذاکرات نال مسئلیں دا حل چاہندے۔ محمد اسحاق ڈار آکھیا جو اسرائیل دے ہک خود مختار ملک تے حملے دا کوئی جواز نئی، قطر تے اسرائیلی حملے دے بعد اساں صومالیہ دے نال رَل تے سلامتی کونسل دے ہنگامی اجلاس دی درخواست کیتی۔ انہاں آکھیا جو قطر دے دوست اتے برادر ملک دے طور تے پاکستان ہک فعال کردار ادا کیتا، اسرائیلی حملے دی صرف مذمت کافی نئی، ہݨ اساکوں ہک واضح لائحہ عمل اپناوݨا پوسی۔ نائب وزیراعظم آکھیا جو ہݨ ویلھا آڳئے جو غزہ اچ غیر مشروط جنگ بندی یقینی بݨائی ونجے، غزہ دی عوام بہوں اوکھ اچ ہن، اسرائیلی اشتعال انگیزیاں توں نشابر اے جو او ہرگز امن نئی چاہندا۔ انہاں آکھیا جو پاکستان ہمیشہ امت مسلمہ وچال ہک آواز ہووݨ دا حامی رہیے، قطر تے اسرائیل دا حملہ پورے طور تے خلاف توقع اقدام ہا. محمد اسحاق ڈار آکھیا جو ملک توں دہشت گردی دے خاتمے کیتے پکے ہیسے، جو ملک دہشت گردی دا سب توں ودھ شکار اے بھارت دا ایں تے الزام لاوݨ حیرانی دی ڳالھ اے۔ نائب وزیراعظم آکھیا جو ہک ایٹمی طاقت دے طور تے پاکستان مسلم امت دے نال کھڑے، اساݙے کنے مضبوط فوج اتے جدید ہتھیار موجود ہن، اساں کہیں کوں آپݨی خود مختاری اتے سالمیت دی خلاف ورزی دی موکل نہ ݙیسوں۔ محمد اسحاق ڈار آکھیا جو سندھ طاس معاہدے دے تحت پاکستان اتے بھارت وچال پاݨی دی تقسیم تھئی، بھارت ہک پاسے طور تے سندھ طاس معاہدے کوں مکایا معطل نی کر سڳدا، مستقبل دی جنگاں پاݨی تے تھیوݨی ہن۔ نائب وزیراعظم آکھیا جو پاکستان صاف آکھ ݙتے جو پاݨی روکݨ دے عمل کوں اعلان جنگ سمجھیا ویسی، بھارت دے نال کشمیر سودھے سارے مسئلیں تے مذاکرات کیتے تیار ہیسے۔ انہاں آکھیا جو مسئلیں دے حل کیتے مذاکرات بہترین راہ اے جنہاں دی کامیابی کیتے سنجیدگی دا ہووݨ وی ضروری اے۔ انہاں دا آکھݨ ہا جو دنیا کوں ہݨ اسرائیل دا راستہ روکݨا پوسی، سلامتی کونسل اچ اصلاحات کیتی ونجݨی چاہیدن، سلامتی کونسل کوں کشمیر اتے فلسطین دے تنازعیاں دے حل دی ذمے واری پوری کرݨی چاہیدی اے۔
.jpg)
