وزیر اعلی پنجاب دی اڳواݨی اچ سکول ایجوکیشن بارے جائزہ اجلاس، سکول ایجوکیشن کونسل ٻݨاوݨ دا فیصلہ

2025-03-05 17:58:43

اہور۔14مارچ(اے پی پی):وزیر اعلی پنجاب مریم نواز شریف دی اڳواݨی اچ سکول ایجوکیشن بارے جائزہ اجلاس تھئے جیندے اچ سکول ایجوکیشن کونسل ٻݨاوݨ دا فیصضہ کیتا ڳئے تاں جو پنجاب نصاب وی دی تنظیم نو اتے سرکاری سکولاں اچ مارننگ اسمبلی بحال کیتی ونڄے۔ وزیر اعلیٰ دی ہدایت تے طلبہ دی غذائی لوڑھ سانڳے سکولاں اچ ڈبہ بند کھیر ݙتا ویسی، پائلٹ پراجیکٹ ضلع راجن پور دے سکولاں اچ شروع تھیسی، اینگرو فوڈز دے ڳانݙھے نال اے فلیورڈ ملک ݙتا ویسی۔ وزیر اعلیٰ ہدایت کیتی جوطلبہ کوں تیکھے نصابی کتاب ݙتیاں ونڄن، صوبے دے سکولاں کوں مرحلہ وار سولر انرجی تے منتقل کرݨ کیتے جامع پلان ٻݨایا ونڄے، سرکاری سکولاں اچ ݙوپاھریں اتے شام دے کوچنگ سینٹرز شروع کیتے ونڄن، پنجاب دے سکولاں اچ معیاری اتے بہتر تعلیم کیتے ہر اقدام چاتا ویسی۔ اجلاس اچ سکول ٹرانسپورٹ پروگرام، الیکٹراک بائیک، بیگ فری سکول اتے ٻئے امور دا جائزہ وی ڳھدا ڳئے۔ اجلاس اچ سینئر صوبائی وزیر مریم اورنگزیب، صوبائی مشیر پرویز رشید، ارکان صوبائی اسمبلی ثانیہ عاشق، ایم پی اے نوشین عدنان، چیف سیکرٹری، سیکرٹری ایجوکیشن، سیکرٹری فنانس، ایم ڈی پنجاب کریکولم اینڈ ٹیکسٹ بک بورڈ، ایم ڈی پنجاب ایجوکیشن فائونڈیشن، سی ای او پنجاب ایجوکیشن انیشیٹو مینجمنٹ اتھارٹی، ایم ڈی پنجاب ایجوکیشن سیکٹرریفارمز پروگرام اتے ٻئے متعلقہ حکام شرکت کیتی۔

مضمون کا ماخذ : raspadinha resultados

متعلقہ مضامین