ملتان۔ 12 ستمبر (اے پی پی) وفاقی وزیر مواصلات عبدالعلیم خان آکھیے جو اوکھے ویلھے ساریں کوں ھک تھی تے چھل متاثرین دی خدمت کرݨی ہوسی، شہریاں دیاں جاناں اتے مال دی حفاظت پہلی ترجیح اے۔ اے ڳالھ انہاں جلال پور پیر والا اچ چھل توں متاثرہ علاقیں دا دورہ کریندے آکھی ۔ وفاقی وزیر مواصلات گیلانی ہائی وے اُتے بریچنگ پوائنٹ اتے جلال پور پیر والا دے عارضی بند دا جائزہ ڳھدا۔ انتظامیہ انہاں کوں موجودہ صورتحال اُتے بریفنگ ݙیندے ریسکیو اتے ریلیف دے کماں دے بارے ݙسایا۔ عبدالعلیم خان آکھیا جو این ایچ اے ہوشیار رہے اتے انتظامیہ نال نیڑے دا رابطہ رکھے، شہریاں دی حفاظت کیتے این ایچ اے دراڑ دا وقتی فیصلہ کیتا۔ انہاں مزید آکھیا جو چھل دی صورتحال غیر متوقع ہئی، سارے ادارے آن بورڈ ہن، اوکھ دے ایں ویلھے اچ ساریں کوں ھک تھی تے کم کرݨا اے ۔ بعد اچ وفاقی وزیر مواصلات گورنمنٹ گرلز ہائی سکول اچ بݨائی ڳئی عارضی خیمہ وستی دا دورہ کیتا اتے متاثرین کیتے ریلیف سرگرمیاں دا جائزہ ڳھدا۔ ایں دوران وفاقی سیکرٹری مواصلات اتے سینئر حکام وی عبدالعلیم خان دے نال ہن۔
.jpg)