اسلام آباد۔9اکتوبر(اے پی پی)وزیر مملکت خزانہ و محصولات بلال اظہر کیانی سینیٹ اجلاس اچ ݙسائے جو وفاقی کاب??نہ نویں انرجی وہیکل (این ای وی) پالیسی دی منظوری ݙے چُکی اے جیں دا باقاعدہ اطلاق تھی چُکیے۔ ارکان سینیٹ دے سوالاں دے جواب اچ وزیر مملکت ایوان کو?? ݙسایا جو نویں انرجی وہیکل پالیسی دے تحت صارفین کوں سبسڈی اتے فنانسنگ معاونت ݙتی ویندی پئی اے تاں جو او الیکٹرک گاݙیاں دے استعمال کوں اپناون۔انہا?? ݙسایا جو حکومت این ای وی سکیم ??یتے اڄوکے ما??ی سال دے بجٹ اچ 10 ارب روپے مختص کیتن۔ ایں پالیسی دے تحت ہک لکھ سولہاں ہزار الیکٹرک موٹر بائیکس اتے ترائے ہزار الیکٹرک رکشیں تے سبسڈی ݙتی ویسی۔ بلال کیانی مزید آکھیا جو حکومت 2030ء تئیں ملک اچ 3 ہزار چارجنگ سٹیشنز قائم کرݨ دا ہدف رکھیندی اے تاں جو الیکٹرک گاݙیاں دے ودھارے کیتے بنیادی ڈھانچہ ݙتا ونڄ سڳے۔ وزیر مملکت آکھیا جو حکومت دا مقصد ماحولیاتی آلودگی اچ کمی، ایندھن تے انحصار گھٹ کرݨ اتے جدید، پائیدار ٹرانسپورٹ نظام کوں ودھارا ݙیوݨ اے۔
