اسلام آباد۔10فروری (اے پی پی) صدر ڈاکٹر عارف علوی آکھیا جو پاکستان اتے چین وچال ڳھاٹا تعلق دنیا کیتے مثال اے، پاکستان اتے چین دی دوستی دی جڑاں عوام اچ پیوست ہن۔ چین دے سرکاری میڈیا کوں ݙتے ڳئے انٹرویو اچ انہاں پاکستانی عوام اتے حکومت ولوں نویں چینی سال تے نیک خواہشات دا اظہار کریندیں ہوئیں آکھیا جو ݙوہیں ملکاں سارے اہم معاملیاں تے ہک ݙوجھے فیدے دا احترام کریندیں ہوئیں ایندے تحفظ کیتے کوششاں ہن۔ مسلسل بدلدی ہوئی دنیا اچ پاک چین تعلقات مستحکم ہن، امن اتے تعاون دا جذبہ ݙوپاسہ تعلقات کوں نشابر کریندے۔ ݙوہیں ملک ہک ݙوجھے دی کوششاں دی حمایت کریندوں۔ انہاں آکھیا جو آئی ٹی،زراعت،گاݙیاں دی تیاری سودھے ٻئے شعبیاں اچ تعاون ودھایا ویندا پئے۔ چین مصنوعی ذہانت سودھے ٻئے شعبیاں اچ ساریاں توں اڳوں اے۔ انہاں آکھیا جو پاکستان اتے چین وچال ڳھاٹا تعلق دنیا کیتے مثال اے، پاکستان اتے چین دی دوستی دی جڑاں عوام اچ پیوست ہن۔
