اسلام آباد۔19جون (اے پی پی):وزیرِ اعظم شہباز شریف پاکستا?? اچ شعبہِ صحت دی بہتری کیتے ھک ٻیا وݙ?? قدم چیندے ہوئیں پورے ملک اچ سی پی آرٹریننگ کراوݨ دا فیصلہ کیتے ،ایمرجنسی حالات اچ جان بچاوݨ آلی بین الاقوامی معیار دی سی پی آر تربیت لکھاں زندگیاں بچاوݨ اچ معاون ثابت تھیسی ، وزیر اعظم آفس میڈیا ونگ توں جاری بیان موجب سربراہ اسٹریٹجک ریفارمز سلمان صوفی ݙسایا جو وزیرِ اعظم شہباز شریف ایں حوالے نال سربراہ اسٹریٹجک ریفارمز کوں وختی اقدامات کرݨ دا آکھیے جان بچاوݨ آلی سی پی آر ٹریننگ کوں سکولاں دے نصاب اچ وی رلایا ویسی ، سلمان صوفی آکھیے جو ایندے توں علاوہ ہر شہری کوں سی پی آر دی تربیت ݙیوݨ وی مہم دا حصہ ہوسی ،آندے ہفتے پورے ملک اچ مہم دے حوالے نال لائحہ عمل دا اعلان کیتا ویسی ۔ سلمان صوفی آکھیے وزیرِ اعظم شہباز شریف شعبہ صحت اچ میرٹ دی بالادستی، بین الاقوامی معیار دی تعلیم تے صوبہ پنجاب اچ ہسپتالاں دے قیام کوں یقینی بݨائے ۔وزیرِ اعظم وزراتِ عظمی سنبھالݨ دے بعد قومی سطح تے صحت دے شعبے اچ اصلاحات دا پروگرام شروع کرݨ ویندے پئن ۔
