اسلام آباد۔16اپریل (اے پی پی) چیئرمین سینیٹ محمد صادق سنجرانی وفاقی وزیر برائے مذہبی امور مفتی عبدالشکور دی اسلام آباد اچ المناک حادثے اچ انتقال تے ݙکھ تے افسوس کیتے۔ سینیٹ سیکرٹریٹ میڈیا ڈائریکٹوریٹ ولوں آݙت وار کوں جاری اپݨے تعزیتی بیان اچ چیئرمین سینیٹ مرحوم وزیر دے ٹٻر نال دے نال نال انہاں دے دوستاں ، ساتھیاں اتے پوری قوم نال دلی تعزیت کیتی۔ چیئرمین سینیٹ محمد صادق سنجرانی مرحوم عبدالشکور کوں انہاں دی خدمات کیتے خراج عقیدت وی پیش کیتا۔