اسلام آباد۔31مئی (اے پی پی) وفاقی وزیرخزانہ تے محصولات سینیٹرمحمداسحاق ڈار اتے وزیردفاع خواجہ محمد آصف نال پاکستان ٹوبیکوکمپنی لمیٹڈ دے وفد بدھ کوں ایف بی آرہیڈکوارٹرز اچ ملاقات کیتی۔ وفد دی قیادت ایشیا وبحرالکاہل، مشرق وسطیٰ اتے افریقہ کیتے کمپنی دے ایریا ڈائریکٹر وائل صابرا کریندے پے ہن۔ وفد ملک دی معاشی ترقی اچ کمپنی دے کردار بارے ݙوہیں وزراء کوں بریفنگ ݙتی۔ ایں موقع تے وفد ولوں نویں مالی سال کیتے بجٹ تجویزاں وی پیش کیتی ڳی۔ وزیرخزانہ وفد ولوں پیش تھی تجویزاں دا خیر مقدم کیتا اتے یقین ݙوایا جو نویں مالی سال دے وفاقی بجٹ کوں چھیکڑی شکل ݙیوݨ اچ انہاں تجویزاں دا جائزہ ڳھدا ویسی۔
