اسلام آباد۔28ستمبر (اے پی پی) ڈیجیٹل مردم شماری 2023 موجب قومی اتے صوبائی اسمبلیاں دی نویں حلقہ بندیاں تے اعتراضات اتے تجویزاں جمع کراوݨ شروع تھی ڳئن جیڑھا جو 26 اکتوبر تئیں رہسی۔ الیکشن کمیشن دے شیڈول موجب اعتراضات کوں تجویزاں تے الیکشن کمیشن ولوں فیصلے 28 اکتوبر توں 26 نومبر تئیں کیتے ویسن جئیں اچ فریقین دا موقف سݨیا ویسی۔ اعتراضات یا تجویزاں جمع کراوݨ کیتے لازمی اے جو اے اعتراضات جمع کراوݨ آلا بندہ متعلقہ حلقے دا ووٹر ہووے۔ اے اعتراضات سیکرٹری الیکشن کمیشن دے ناں جمع کرائے ویسن۔ کوریئر ، ڈاک یا فیکس دے ذریعے تجویزاں یا اعتراضات تے غور کائنا کیتا ویسی۔ اے اعتراضات انتخابی قانون 2017 دی شق 12 دے تحت جمع کرائے ویسن۔
