فیصل آباد ۔19اکتوبر (اے پی پی):وزیر مملکت اطلاعات و نشریات فرخ حبیب آکھیے جو اڄ پاکستان سودھے پور دنیا اچ ݙڈھ ارب توں ودھ مسلمان نبیؐ دی ولادت باسعادت دا جشن منیندے پئن جنہاں کوں رحمت اللعالمین بݨا تے بھیجا ڳیا،آپؐ ریاست مدینہ قائم کیتی تے ساریں توں پہلے کمزور طبقے دا خیال رکھݨ سودھے انہاں کوں مضبوط کیتا،آپؐ یتیماں، بیوہ ، ناداراں، مفلساں، مساکین، بے سہارا، بے وسائل دے حقوق بیان اتے ݙے کراہیں عدل و انصاف دی ایجھی مثال قائم کیتی جیڑھی جو رہندی دنیا تئیں اساں کیتے مشعل راہ ہن جݙاں جو وزیراعظم عمران خان دا عشرہ رحمت اللعالمین ؐسرکاری اتے قومی سطح تے مناوݨ تے رحمت اللعالمین اتھارٹی دے قیام دا اعلان تاریخ ساز اقدام اے،حکومت سیرت النبیؐ کوں تعلیمی نصاب دا حصہ بݨاوݨ دا فیصلہ کیتے نیزحکومتھک فلاحی ریاست دے طور تے اقدامات کریندے ہوئیں کوئی بکھا نہ سمے ،لنگر خانے، پناہ گاہواں بݨائن تے اساں اڳوں وی فلاحی خدمات دا سلسلہ جاری رکھیسوں تے پاکستان کوں ریاست مدینہ دی طرز دی فلاحی ریاست بݨیسوں ۔منڳل دی سویل چوک گھنٹہ گھر فیصل آباد اچ مرکزی میلاد کمیٹی دے زیر اہتمام جشن عید میلاد النبیؐ دے سلسلے اچ منعقدہ تقریب توں خطاب اچ انہاں آکھیے جو اڄ اساݙے پیارے نبی ؐدی ولادت با سعادت دا جشن مپلاد اے کیوں جو آپؐ کوں سارے جہاناں کیتے رحمت بݨا تے بھیجاڳیا۔