اسلام آباد۔20ستمبر(اے پی پی) وزیر اعظم دے معاون خصوصی سمندر پار پاکستانیزتے انسانی وسائل دی ترقی جواد سہراب ملک آکھیے افرادی قوت ایکسپورٹ کوآرڈی نیشن کمیٹی معقول اہداف طے کرݨ کیتے قابل عمل منصوبہ تیار کریسی ۔ کوآرڈینیشن کمیٹی دا اجلاس اسلام آباد اچ تھیا۔ ایں موقع تے انہاں آکھیے عوامی خدمت دی وختی فراہمی کیتے کہیں وی پالیسی دا موثر نفاذ ٻہوں ضروری اے ۔ انہاں آکھیے جے ھک پالیسی چنڳی طرح بݨائی ڳئی ہووے لیکن ایندے نفاذ اچ عدم توجہی نال کم ڳھدا ڳیا ہووے تاں او صرف فائلاں یا ریکارڈ رومز دا حصہ بݨ ویسی ۔ انہاں ہدایت کیتی جو کمیٹی دے سارے ممبران ملک دی افرادی قوت دی برآمد ودھاوݨ کیتے تکڑے تے قابل عمل روڈ میپ تے غور کرن تاں جو ایجھی پالیسی بݨائی ونڄ سڳے جیڑھی جو قابل حصول ہووے جیڑھی سارے مقصد نال جڑی ہووے ۔ انہاں آکھیے روڈ میپ اچ عوام کوں سہولتاں وختی ݙیوݨ کیتے متوقع ٹھوس نتیجے دے نال نال ٹائم لائنز دا وی تعین کیتا ونڄے ۔
