اسلام آباد۔29اکتوبر(اے پی پی)وفاقی وزیر اطلاعات ونشریات مریم اورنگزیب ڈس۔لیکسیا نال متاثرہ ٻالاں کوں لکھݨ پڑھݨ دے قابل ٻماوݨ آلے اساتذہ، تعلیمی اداراں، والدین اتے سول سوسائٹی کوں خراج تحسین پیش کریندے آکھیے جو تاریخ اچ پہلی واری ٻالاں کوں پڑھائی لکھائی اچ سوکھ کیتے انقلابی قانون سازی کیتی اے۔ انہاں آکھیا جو ٻالاں دی پڑھائی لکھائی اچ مشکل (ڈس۔لیکسیا) سانڳے خصوصی مہینہ منایا ویندا پئے، ایں سانڳے پڑھݨ لکھݨ دے اوکھ دا شکار ٻالاں دے تخلیقی فن پارے انہاں دی بے مثال صلاحیتاں دا شاہکار ہین، ڈسلیکسیا معذوری نئیں، اے معمولی تربیت نال پڑھݨ لکھݨ اتے لوظ سنڄاݨݨ دے قابل تھی سڳدن۔ انہاں آکھای جو نویں قانون دا ناں ڈِس۔لیکسیا خصوصی اقدامات ایکٹ 2022 اے جیکوں پارلیمنٹ منظور کر چکی اے جیندے کتیے خصوصی تربیتی پروگرام شروع تھیندا پئے، ایں سانڳے اساتذہ کوں عالمی معیار دی تربیت ݙتی ویسی اتےس ارے تعلیمی اداریاں اچ اینڄھے ٻالاں دی کٹ مار، ذہنی اذیت یا ہراساں کرݨ تے پابندی ہوسی، ہر سکول اچ ڈِس۔لیکسیا بارے ماہر اساتذہ اتے عملہ رکھیا ویسی اتے ڈِس۔لیکسیا تھراپسٹ رکھیے ویسن۔
.jpg)
