اسلام آباد۔7جولائی(اے پی پی)وزیر مملکت برائے پٹرولیم ڈاکٹر مصدق ملک آکھیے جو پنڄھاہ فیصد غریباں کیتے گیس دا ملھ نا ودھایا ویسی، اپوزیشن پنجاب اچ مفت بجلی ݙیوݨ تے سیاست کریندی پئی اے، اے ڳالھ انہاں اسلام آباد اچ پریس کانفرنس کریندے آکھی۔ انہاں آکھیا جو سابق حکومت چار ڈالر توں سولہ ڈالر تئیں قیمت تے گیس نئیں ڳھدی، ہݨ گیس دا ملھ 40 ڈالر تئیں پڄ ڳئی اے، طویل مدتی معاہدے نا تھیوݨ پاروں اضافی کارگو نی آسڳیے تہوں گیس دا مسئلہ اے، سردیاں اچ گیس دا مسلہ ودھسی ٻھل ایندے کیتے اقدامات کریندے پئے ہیں۔ وزیر مملکت آکھیے جو پی ٹی آئی پی ٹی آئی گیس دا ملھ اوگرا کوں مقرر کرݨ کیتے قانون ٻݨاعے جیندے بعد گیس دا ملھ بدلݨ دا اختیار وفاقی حکومت کولو کائنی، ݙو سال توں گیس دی قیمت نئین ودھی، ساکوں ایں بارے تیکھے فیصلہ کرݨا ہوسی، اساں غریباں تے ودھ ٻھار نی سٹݨ چاہندے اتے ایں بارے فیصلہ وفاقی کابینہ کریسی۔
.jpg)
.jpg)
.jpg)