اسلام آباد۔4اپریل (اے پی پی):پاکستان تحریک انصاف دے رہنما چوہدری فواد حسین آکھیے جو ن لیگ دے اکائونٹس توں سپریم کورٹ دے بینچ تے مسلسل تنقیدی حملے تھیندے پئن ، اپوزیشن سپریم کورٹ تے اثر انداز تھیوݨ دی کوشش کیتی ، عمران خان جے اپوزیشن دے خلاف احتجاج دی کال ݙے ݙتی تاں انہاں کوں آپݨے گھراں اچ رہݨ اوکھا تھی ویسی ، پاکستان دا مفاد ایندے وچ اے جو سپریم کورٹ دے فیصلے دا احترام کیتا ونڄے ۔اے ڳال انہاں سنوار کوں اتھاں میڈیا نال ڳالھ مہاڑ کریندے ہوئیں آکھی اے ۔ چوہدری فواد حسین آکھیے جو اپوزیشن آکھدی پئی ہئی جو شہزاد اکبر ملک چھوڑ ڳئن ، شہزاد اکبر اڄ وی ساݙے رلے کھڑن ، انہاں آکھیے جو اپوزیشن آئین دیاں دھجیاں اݙاوݨ اچ کوئی کسر نی چھوڑی ، 22 لوکاں کوں انہاں ہارس ٹریڈنگ دے ذریعے اپݨے نال رلایاکیا اے آئین دا حصہ ہئی ؟۔ چوہدری فواد حسین آکھیے جو پاکستان دے عوام الیکشن کیتے تیار رہن ۔ کوئی سیاسی جماعت کݙاہیں وی الیکشن توں راہ فرار اختیار نی کریندی لیکن اپوزیشن دیاں جماعتاں الیکشن توں راہ فرار اختیار کریندی پئی اے
.jpg)