اسلام آباد۔30مئی (اے پی پی) قائمقام صدر سید یوسف رضا گیلانی آکھیا جو آندے بجٹ اچ عوام کوں ودھ توں ودھ ریلیف ݙیوݨ دی لوڑھ اے۔ اے ڳالھیں انہاں وزیر خزانہ اتے محصولات محمد اورنگزیب نال ڳالھ مہاڑ کریندیں ہوئیں آکھی جنہاں ایوان صدر اچ انہاں نال ملاقات کیتی۔ خمیس کوں ایوان صدر دے پریس ونگ توں جاری بیان موجب وزیرخزانہ عوام دوست بجٹ ٻݨاوݨ بارے قائمقام صدر کوں بریفنگ ݙتی۔ وزیرِ خزانہ قائمقام صدر کوں مہانگ تے قابو پاوݨ کیتے حکومتی کماں بارے ݙسیا۔
