اسلام آباد۔12اگست (اے پی پی) صدر مملکت آصف علی زرداری دا یوم آزادی دے موقع تے قیدیاں دی سزائیں اچ نوے ݙینھ دی خصوصی چھوٹ ݙیوݨ دا اعلان کیتے۔ سنوار کوں ایوان صدر دے پریس ونگ توں جاری بیان موجب صدرمملکت سزائیں اچ ڳھٹکی دی منظوری آئین دے آرٹیکل 45 دے تحت ݙتی اے۔ سزائیں اچ ڳھٹکی دا اطلاق قتل ، جاسوسی، ریاست مخالف سرگرمیاں اچ ملوث قیدیاں تے کائنا ہوسی۔ سزائیں اچ ڳھٹکی دا اطلاق زنا، چوری ، ڈکیتی ، اغواء ، دہشت گردی اچ سزا یافتہ مجرماں تے وی کائنا ہوسی۔ سزائیں اچ ڳھٹکی دا اطلاق مالی جرائم، قومی خزانے دا ضیان کرݨ آلے مجرماں تے وی کائنا ہوسی۔ سزا اچ ڳھٹکی دا اطلاق غیر ملکی افراد ایکٹ، 1946 اتے منشیات کنٹرول (ترمیمی) ایکٹ 2022 ء دے تحت سزا یافتہ تے کائنا ہوسی۔ ہک تہائی سزا کٹݨ آلے 65 سال توں ودھ عمر دے قیدیاں تے سزا اچ ڳھٹکی دا اطلاق ہوسی۔ ہک تہار قید کٹݨ آلے 60 سال توں ودھ عمر دی تریمتیں قیدیاں تے وی سزا اچ ڳھٹکی دا اطلاق ہوسی۔ ٻالاں دے نال جیل اچ موجود تریمتیں قیدیاں تے وی سزا ڳھٹکی دا اطلاق ہوسی۔ ہک تہائی سزا کٹݨ آلے 18 سال توں ڳھٹ عمر آلیاں تے وی سزا اچ ڳھٹکی دا اطلاق ہوسی۔
