راولپنڈی۔19اکتوبر(اے پی پی) پاکستان ملٹری اکیڈمی کاکول اچ 150ویں پی ایم اے لانگ کورس، 69 ویں انٹیگریٹڈ کورس، 24ویں لیڈی کیڈٹ کورس اتے 36 ویں ٹیکنیکل گریجویٹ کورس دے کیڈٹس دی پاسنگ آؤٹ پریڈ تھئی ۔ چیئرمین جوائنٹ چیفس آف اسٹاف کمیٹی جنرل ساحر شمشاد مرزا (نشان امتیاز ملٹری) بطور مہمان خصوصی شرکت کیتی تے پریڈ دا معائنہ کیتا اتے ممتاز کیڈٹس کوں انعام ݙتے ۔پاک فوج دے شعبہ تعلقات عامہ (آئی ایس پی آر) توں جاری بیان موجب پاکستان ملٹری اکیڈمی توں عراق، اردن، مالدیپ، سری لنکا، نیپال، فلسطین، سوڈان تے یمن سودھے کئی دوست ملکاں دے کیڈٹس وی گریجویشن کیتا۔ چیئرمین جوائنٹ چیفس آف اسٹاف کمیٹی جنرل ساحر شمشاد مرزا (نشان امتیاز ملٹری) بطور مہمان خصوصی شرکت کیتی تے پریڈ دا معائنہ کیتے۔ 150ویں پی ایم اے لانگ کورس دے بٹالین دے سینئر انڈر افسرعبداللہ افضل کوں اعزازی تلوار نال نوازیا ڳئے ۔
150ویں پی ایم اے لانگ کورس اچ بٹالین دے سینئر انڈر افسر بابر اللہ امان کوں صدارتی گولڈ میڈل، دوست ملک نیپال توں 150ویں پی ایم اے لانگ کورس دے سینئر انڈر افسر کشتیج گرونگ کوں چیئرمین جوائنٹ چیفس آف اسٹاف کمیٹی اوورسیز گولڈ میڈل ݙتیا ڳئے ۔ 36ویں ٹیکنیکل گریجویٹ کورس دے جونیئر انڈر افسر محمد عمر شیراز کوں چیف آف آرمی سٹاف کین نال نوازیا ڳئے ۔ 69ویں انٹیگریٹڈ دے کورس جونیئر انڈر افسرمحمد سلیمان تے 24ویں لیڈی کیڈٹ کورس دی کورس انڈر افسر پاکیزہ یعقوب کوں کمانڈنٹ کینز نال نوازیا ڳئے۔
