اسلام آباد – 12 سيپٽمبر (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته ڀارت ظلم، ڏاڍ ۽ تشدد سان مظلوم ڪشميرين جي آواز کي دٻائي نه ٿو سگهي، پوري دنيا کي والاريل ڪشمير ۾ ڀارت جي وحشياڻي ڪاررواين جو نوٽيس وٺڻ گهرجي، صدارتي خطاب ۾ ڪشمير ڪاز جي حوالي سان حڪومتي ڪوششن کي ساراهيو ويو آهي، مخالف ڌر جي رويي سان پوري قوم کي خبر پئجي وئي ته اهي ڪشمير جي مسئلي تي ڪيترو سنجيده آهن، دنيا کي پنهنجي احتجاج ذريعي مخالف ڌر منفي پيغام ڏيڻ جي ناڪام ڪوشش ڪئي. پارليامينٽ جي گڏيل اجلاس کي صدر جي خطاب کانپوءِ پارليامينٽ هائوس ٻاهران اي پي پي سان ڳالهائيندي ڊاڪٽر فردوس عاشق اعواڻ چيو ته صدر جو عهدو وفاق جي علامت آهي.
