اسلام آباد۔8جون(اے پی پی)وزیرداخلہ رانا ثناءاللہ آکھیے جو سعودی حکومت دا 3 ارب ڈالر دا رول اوور پاکستان دی معیشت دے استحکام کیتے ٻہوں ضروری ہا، پاک سعودی تعلقات خراب کرݨ دی ہر کوشش ناکام ٻݨیسوں، سعودی عرب نال سکیورٹی تعاون ودھایا ویسی۔ اے ڳالھ انہاں سعودی عرب دے سفیرنواف بن سعیدالمالکی نال ملݨ ویلھے آکھی۔ انہاں پاک سعودی تعلقات سودھا، باہمی دلچسپی دے امور تے الایا۔ وزیر داخلہ آکھیا جو وزیراعظم شہباز شریف دا دورہ سعودی عرب پاک سعودیہ تعلقات ٻعے تکڑے ثابت کرݨ کیتے اہم ثابت تھیسی۔ وزیر داخلہ آکھیا جو پاکستان اچ 2011 اچ قتل تھیوݨ آلے سعودی سفارتکار حسن القہطانی دے مجرمان تیکھے پکڑیے ویسن، ایں سانڳے سارے وسائل لیندے پئے ہیں۔
