اسلام آباد۔29جولائی(اے پی پی):وزیر اعظم محمد شہباز شریف آکھیے جو عظمت حضرت امام حسینؓ اتے انہاں دے جانثاراں جیندے اچ ٻال اتے تریمتیں وی ہن، دی قربانی اچ آفاقیت اتے ایثار دیاں اینڄھیاں علامتاں ہین جیندی پوری بنی نوع انسان دی تاریخ اچ مثال نئیں ملدی۔ اپݨے ٹویٹ اچ انہاں آکھیا جو 14 صدیاں بعد وی اللہ دے نبی ﷺ دے خاندان دی ایں عظیم قربانی دی یاد انسانی شعور دے ارتقاء و حق، انصاف اتے آزادی دی انسانی جدوجہد نکھارݨ اچ وݙا کردار ادا کیتے۔ انہاں آکھیا جو طاقت دی تݙ تے ظلم و جبر دے شکار لوکاں کیتے حضرت امام حسین ؓ دی مثال صبر، برداشت اتے ظلم دے خلاف مزاحمت، اندھارے اچ امید دی لاٹ ٻالی رکھدی اے، پیارے نبی ﷺ دے محبوب ݙوترے اسلام دی اخلاقی ٻݨیاد دی سنٻھال کیتے ݙٹیے رہین اتے انسانیت دی تاریخ اچ اپݨی شجاعت، بہادری اتے ایمان دے زور تے نا ٻھلݨ آلا سبق ݙے ڳن۔
