اسلام آباد۔24جولائی (اے پی پی) وزیر مملکت خزانہ علی پرویز ملک آکھیے بجلی دے ٻلاں دے معاملے تے حکومت لوکاں دی تکلیف دے ازالے سانڳٖ کم کریندی پئی اے ۔ نجی ٹی وی دے پروگرام اچ ڳالھ مہاڑ کریندے علی پرویز ملک آکھیے وزیراعظم 200 یونٹ آلے صارفین کوں ریلیف ݙیوݨ سانڳے 50 ارب روپے ݙتن مگر انہاں معاملات دا پکا حل صرف اصلاحات ہن ، اھساس اے 60 روپے فی یونٹ تے دکان نی چل سڳدی تے نہ ہی 40 روپے یونٹ تے گھر چل سڳدے۔انہاں آکھیے آئی پی پیز 1994، 2002 اتے 2014 اچ لڳیے ، 40 خانداناں آلی کہانی اچ جیڑھے لوک ہن او 1994 تے 2002 آلے ہن تے انہاں دا شیئر صرف 80 ارب اے، ایندے اچ جے کہیں چور بازاری کییتی اے تاں تحقیقات تھیوݨیاں چاہیدن۔وزیر مملکت آکھیے جنہاں اوکھے ویلھے اچ پلانٹ لاتے انہاں کوں ولن نی بلکہ ہیرو دے طور تے پیش کرݨ دی لوڑھ اے ۔اے مسئلے مکاوݨ سانڳے انہاں نال ڳالھ مہاڑ دی لوڑھ اے
