اسلام آباد۔29نومبر(اے پی پی) وفاقی وزیر دفاع ،دفاعی پیداوار و اہوابازی خواجہ محمد آصف آکھیے یورپی ایئر سیفٹی ایجنسی(ایاسا) دی طرفوں پاکستانی ائیرلائنز توں پابندی چا ڳھدی ڳئی اے، ایں پابندی مکݨ دے بعد پوری قوم ہݨ یورپی سیکٹرز تے ول آپݨی قومی ایئر لائن تے براہ راست سفر کرسڳسی ۔ سماجی رابطے دی ویب سائٹ ایکس تے آپݨی پوسٹ اچ وفاقی وزیر خواجہ آصف آکھیے ایاسا اپݨے مکتوب اچ وزرات ہوا بازی اتے پی آئی اے انتظامیہ کوں باضابطہ ݙسا ݙتے۔ ایاسا دی طرفوں پی آئی اے دی ٹیم اتے انتظامیہ کوں انہاں دے سخت ترین سٹینڈرڈز تے پورے لہݨ تے مبارخ ݙتی ڳئی اے، انہاں آکھیے پی آئی اے انتظامیہ ایاسا اتے انھاں دے قوانین اتے ضابطیں تے مکمل عمل کریسی ۔پی آئی اے انتظامیہ گزریل 4 سال دی محنت دے بعد اے اہم سنگ میل پار کیتے ۔ سی ای او پی آئی اے دی طرفوں ایں تاریخی موقع تے وزرات ہوابازی، سول ایوایشن اتھارٹی، پی آئی ٹیم اتے پوری ہوابازی دی صنعت کوں انہاں دے بھرپور تعاون تے مبارخ ݙتی ۔ پابندی دا چویجݨ پی آئی اے دے فضائی حفاظتی ضابطیں تے کاربند رہݨ دا منہ ٻولیندا ثبوت اے
.jpg)
