اسلام آباد ۔ 19 ستمبر (اے پی پی) غیر وابستہ ملکاں دی تحریک دا 17واں سربراہی اجلاس وینز ویلا اچ ڈو ڈینھ جاری رہنڑ دے بعد مُک گئیا۔اجلاس وچال پاکستان دی حق خود ارادیت سانگے مقبوضہ کشمیر دی عوام دی جاری جدوجہد کوں ریاستی جبرنال دباونڑ دی بھرپور مخالفت کیتی اے۔دفتر خارجہ ولوں جاری کیتے گئے بیان دے مطابق 17اتے18ستمبر2016کوں وینزویلا اچ تھیونڑ آلی سربراہی اجلاس اچ پاکستان دے وفد دی قیادت وزیر اعظم دے مشیر برائے خارجہ امور سرتاج عزیز دی قیادت اچ وفد پاکستان دی نمائندگی کیتی۔سربراہی اجلاس دے چھیکڑ تے غیر وابستہ ملکاں دی تحریک ولوں دہشت گردی دے خاتمہ،حق خودارادیت دے حق،شام،یمن،افغانستان اتے عراق دی صورتحال بارے اعلامیہ جاری کیتا گئیا۔ایں موقع تے مشیر خارجہ مقبوضہ کشمیر دے مسئلہ کوں کشمیری عوا م دی خواہشات دے مطابق حل کرنڑ تے زور ڈتا جئیں کوں اقوام متحدہ دی سکیورٹی کونسل اچ رلایا گئیا اے۔انہاں آکھیا جو جنوبی ایشیاء اچ امن سانگے متنازعہ کشمیر دا خاتمہ ضروری اے۔انہاں اجلاس وچال بھارتی مقبوضہ کشمیر اچ انسانی حقوق دی سنگین خلاف ورزیاں دے مسئلہ کوں وی چاتا۔سرتاج عزیز ہر قسم دی دہشت گردی دی مخالفت وی کیتی۔سربراہی اجلاس اچ کئی ملکاں دے سربراہ شریک تھیے جئیں اچ ایران دے صدر حسن روحانی،زمبابوے دے صدر لوگابے،کیوبا دے صدر رال کاسترو اتے فلسطینی صدر محمودعباس شامل ہن ۔
.jpg)
.jpg)