راولپنڈی۔22دسمبر (اے پی پی):آرمی چیف جنرل قمر جاوید باجوہ نال رائل بحرین نیول فورس دے کمانڈر ریئر ایڈمرل محمد یوسف العصام اتھاں جی ایچ کیواچ ملاقات کیتی۔ ملاقات اچ سانجھی دلچسپی دے امور، افغانستان دی موجودہ سیکیورٹی صورتحال اتے دفاع اتے سیکیورٹی دے شعبیں اچ ݙو پاسے تعاون تے ڳال کیتی ڳئی ۔ پاک فوج دے شعبہ تعلقات عامہ موجب آرمی چیف آکھیے جو پاکستان ݙوطرفہ رابطے دی روایت کوں برقرار رکھݨ چاہندے اتے بحرین دے نال طویل مدتی اتے کثیر المقاصد پائیدار تعلقات چاہندے۔ انہاں افغانستان بارے عالمی اتحاد تے انسانی بحران کوں روکݨ کیتے مخلصانہ کوششاں دی لوڑھ تے زور ݙتے ۔ انہاں افغانستان اچ امن اتے مفاہمت دے اقدامات دی اہمیت تے زور ݙتے ۔ رائل بحرین نیول فورس دے کمانڈر پاکستان دی مسلح افواج دی پیشہ وارانہ مہارت دا اعتراف کیتے اتے مختلف شعبیں اچ تعاون ودھاوݨ دے عزم دا اظہار کیتے۔ انہاں افغان صورتحال اچ پاکستان دے کردار، بارڈر مینجمنٹ کیتے خصوصی کوششاں تے علاقائی استحکام اچ کردار دی وی تعریف کیتی ۔
