ساہیوال۔29 جنوری(اے پی پی) وزیراعظم عمران خان آکھیے جو سینیٹ انتخابات کیتے ہݨیں نال ریٹ لڳݨ شروع تھی ڳین، کرپشن روکݨ دی ترامیم دے مخالف قوم دے اڳو بے نقاب تھی ویسن،سب کڄھ پتا اے جو کیہڑا سیاسی لیڈر پیسے لیندا پئے۔ اے ڳالھ وزیراعظم عمران خان ساہیوال اچ صحافیاں نال الیندے آکھی۔ انہاں آکھیا اے کیویں تھی سڳدے جو پیسہ ݙے تے سینیٹر بݨݨ آلا پیسہ نہ بݨیسی، سینیٹ انتخابات اچ شفافیت ??ان??ے اوپن بیلٹنگ کیتے آئینی ترمیم کریندے پئے ہیں۔ انہاں آکھیا جو پی ڈی ایم ناکام ہی تھیوݨا ہا، سارے ڈاکو رل تے میکوں بکلیک میل کرݨ دی ناکام ک??شش کریندے پین، ہک بھگوڑا لیڈر لندن اچ ٻیھ تے انقلاب ڳھن آوݨ چاہندے۔ انہاں آکھیا جیکر اپوزیشن میݙی تعریف کرے تاں میں اپݨی توہین سمجھیساں، اپوزیشن دے نامور ڈاکواں دی تنقید کو?? اعزاز سمڄھݨا چاہیدے، اپوزیشن اتے حکومت رل تے پارلیمنٹ چلیندن بھل انہاں پہلے ݙینھ توں ہی پارلیمنٹ کوں این آر او کیتے استعمال کیتے۔ وزیراعظم آکھیا جو سیاسی پشت پناہی دے بغیر سرکاری زمیناں تے قبضہ نئیں تھی سڳدا، مریم نواز قبضہ مافیا نال اظہار یکجہتی کیت?? اتے اپݨے آپ کوں مستقبل دا لیڈر آکھݨ آلی مریم نواز قبضہ مافیا دی حمایت کریندی پئی اے، ڄݙاں حکمران ہی سرکاری زمیناں تے قبضے کراون تاں ٻنھاں کوں کون روک سڳدے؟۔ عمران خان آکھیے جو فضل الرحمان کرپٹ بندہ اے اوکوں مولانا آکھݨ علماء دی توہین اے، فضل الرحمان مدارس دے ٻالاں کوں استعمال کر تے ارب پتی بݨین۔
