لاہور ۔13دسمبر (اے پی پی) وفاقی وزیر اطلاعات و نشریات چوہدری فواد حسین آکھیا جو شہباز شریف دے دور اچ ساریاں توں ودھ جعلی پولیس مقابلے تھین، 5500 لوک ماورائے عدالت پولیس مقابلیاں اچ قتل تھین، جوڈیشل ریفارمز کیتے جج صاحبان آپݨا کردار نبھاون۔ 1991ءتوں 1999ءتئیں 1858 پولیس مقابلیاں اچ 1294 بندے قتل تھین، 1997ء توں 1999 تئیں 771 ملزماں کوں جعلی پولیس مقابلیاں اچ ماریا ڳیا، پرویز مشرف دی حکومت امدیں ای اے جعلی پولیس مقابلے بند تھی ڳئے، سال 2000 اچ صرف 135 پولیس مقابلے تھیے۔ انہاں آکھیا جو ہک ہفتے دے اندر صحافیاں کوں صحت کارڈ دی سہولت ݙتی ویسی۔ سنوار کوں لاہور پریس کلب اچ احمد فراز دی کتاب دی تقریب رونمائی نال خطاب کریندیں ہوئیں انہاں آکھیا جو او روزنامہ پاکستان اتے جنگ اچ کالم لکھدے رہے، صحافیاں نال ہمیش رابطہ رہے۔
