اسلام آباد۔31اگست(اے پی پی) نگران وفاقی وزیر قانون و انصاف احمد عرفان اسلم نال یورپی یونین دی سفیر ڈاکٹر رینا کیونکا ملاقات کیتی۔ ݙوہیں فریقین سانجھی دلچسپی دے امور تے ڳالھ مہاڑ کیتی ۔ یورپی یونین دی سفیر نگراں وزیر قانون کوں وفاقی وزیردا عہدہ سنبھالݨ تے مبارخ ݙتی ۔ وزارت قانون و انصاف توں جاری بیان موجب یورپی یونین دے سفیر پاکستان دے جی ایس پی پلس سٹیٹس بارے تے تجارت و درآمدات دے حوالے نال تازہ ترین اعداد و شمارتے ڳالھ مہاڑ کیتی ۔نگراں وفاقی وزیر قانون آکھیے پاکستان یورپی یونین نال آپݨے تعلقات اتے جی ایس پی پلس سٹیٹس کوں اہمیت ݙیندے جیڑھا جو یورپی یونین پاکستان کوں ݙتے ۔ ڈاکٹر رینا کیونکا یورپی گرین ڈیل بارے موسمیاتی تبدیلی متعلق مسئلیں تے ڳالھ کیتی ۔
