اسلام آباد۔2مئی (اے پی پی) پاکستان ٹیلی کمیونیکیشن اتھارٹی (پی ٹی اے) آکھیا جو ایف بی آر دے موبائل سمز بارے اڄوکے فیصلے تے غور کریندے پئیوں، اساں ایں بارے موبائل فون آپریٹرز اتے متعلقہ سٹیک ہولڈرز نال رابطے اچ ہیسے۔ خمیس کوں جاری بیان اچ پی ٹی اے آکھیا جو اساݙا مقصد ریگولیٹری فریم ورک اتے متعلقہ قانونی دفعات کوں ݙیکھدیں ہوئیں ایں بارے قدم چاوݨ اے تانجو ٹیلی کام صارفین دا تحفظ یقینی ٻݨایا ونڄ سڳے۔ ایں بارے تھیوݨ آلی کہیں وی پیش رفت بارے ݙسا ݙتا ویسی۔
