اسلام آباد – 13 مارچ (اي پي پي) صدر ڊاڪٽر عارف علوي چيو آهي ته پاڪستاني قوم آزمائشن مان گذري بهتر قوم بڻجڻ طرف گامزن آهي، گذريل 30، 40 سالن کان پاڪستان جن دورن مان گذريو آهي ان مان پاڪستان جي عوام سکيو آهي، هن قوم ۽ قيادت گذريل مهيني جيڪو فيصلو ڪيو ان تي الله تعاليٰ جو ٿورائتو آهيان، علم جي بنياد تي معاشري جي اندر ڀلائي پکيڙڻ جو ثمر ابدي آهي، همدردي ۽ احساس سان خالي علم بي سود آهي. بين الاقوامي اسلامي يونيورسٽي جي ڪانووڪيشن کي خطاب ڪندي صدر چيو ته اسان سمجهون ٿا ته تعليم ئي هر شيءَ جو حل آهي، معاشري ۾ ڪڏهن ڪڏهن والدين جي تربيت جي کوٽ نظر ايندي آهي.
