واشنگٽن -24 سيپٽمبر (اي پي پي ) گڏيل عرب امارات جي صدر شيخ محمد بن زيد آمريڪا جي سرڪاري دوري جي شروعات تي وائيٽ هائوس پهتو. پرڏيهي ميڊيا موجب وائيٽ هائوس آمد تي آمريڪي صدر جوبائيڊن سندس آجيان ڪئي. اماراتي صدر ٻنهي ملڪن وچ ۾ ناتن تي خيالن جي ڏي وٺ لاءِ صدر جوبائيڊن سان ملاقات ڪئي. ملاقات ۾ امارات ۽ آمريڪا وچ ۾ اسٽريجٽڪ شراڪت کي وڌيڪ وڌائڻ جي موقعن جو جائزو ورتو ويو. جنهن سان ٻنهي ملڪن وچ ۾ تاريخي دوستي کي مضبوط بنائڻ ، معيشت ، واپار، سيڙپڪاري، ٽيڪنالاجي، هٿرادو ذهانت، توانائي، موسمياتي تبديلي ۽ اسپيس جا شعبا شامل آهن. وائٽ هائوس جي هڪ عهديدار ٻڌايو ته امارات جي صدر ۽ آمريڪي نائب صدر ڪملا هيرس جي به ملاقات طئي ٿيل آهي جنهن ۾ غزه جي صورتحال تي خيالن جي ڏي وٺ ڪئي ويندي. اي
