اسلام آباد۔28جون(اے پی پی)صدر مملکت ڈاکٹر عارف علوی طلبا کوں آکھیے جو او علم دے قیمتی آن لائن ذخیرے کوں استعمال کریندے ہوئے اپݨیاں صلاحیتاں ودھاون، اعلیٰ تعلیمی اداراں کوں فنون لطیفہ اتے ادب دے شعبے اچ تعلیم دے ذریعے امن، فلاح و بہبود اتے جامعیت دی اقدار ودھاوݨا چاہیدن۔ اے ڳالھ انہاں کراچی اچ وفاقی اردو یونیورسٹی آف آرٹس، سائنسز اینڈ ٹیکنالوجی دے دورہ اتے فیکلٹی دے اجلاس دی صدارت کریندے آکھی۔ اجلاس اچ یونیورسٹی دے وائس چانسلر ڈاکٹر اطہر عطا اتے فیکلٹی سربراہان شرکت کیتی۔ یونیورسٹی دی فیکلٹی نال خطاب اچ صدر آکھیا جو اعلیٰ تعلیمی اداراں کوں آرٹس و لٹریچر دے شعبے اچ تعلیم عام کرتے امن، فلاح و بہبود اتے اقدار ودھاوݨیاں ہوسن۔
