اسلام آباد۔14اگست (اے پی پی):سپیکر قومی اسمبلی راجہ پرویز اشرف آکھیے جو پاکستان ودھ ساری محنت تے لازوال قربانیاں دے نتیجے اچ وجود اچ آئے ،ملک خداد پاکستان دی حفاظت اساں ساریں دی ذمے واری اے، اتوار کوں 75 ویں یوم آزادی تے آپݨے پیغام اچ انہاں آکھیے جو پاکستان دے ہر شہری تے فرض اے جو ایں ملک دی تعمیر و ترقی کیتے ݙینھ رات کم کرے اڄ دا ݙینھ اساکوں وݙیں دیاں قربانیاں دی یاد ݙویندے ، قائد اعظم محمد علی جناح دی ودھ ساری محنت ساݙے بزرگاں دیاں لازوال قربانیاں پاروں اڄ اساں آزاد فضا اچ ساہ گھندے پیوں ، سپیکر قومی اسمبلی آکھیے جو پوری قوم اڄوکے سال پاکستان دی ڈائمنڈ جوبلی منیندی پئی اے ،قومی اسمبلی ڈائمنڈ جوبلی دے سلسلے اچ 10 اگست توں 14 اگست تئیں خصوصی تقریبات دا اہتمام کیتا،ڈائمنڈ جوبلی تقریبات اچ تریمتاں ، ٻالاں، نینگراں تے سابق ممبران پارلیمنٹ دے کنونشنز منعقد تھئن۔ انہاں آکھیے جو کنونشنز اچ تریمتاں ، ٻالاں تے سابق اتے موجودہ ارکان پارلیمنٹ ملک دے مسئلیں تے کھل تے ڳالھ کیتی ۔
