کراچی۔24مارچ (اے پی پی):کراچی اچ تعینات ملائیشیا دے قونصل جنرل ہرمن ہردینتا بن احمد آکھیے آزاد تجارتی معاہدے اچ 10ہزار توں ودھ پاکستانی مصنوعات فہرست اچ شامل ہن جݙاں جو ملائیشیا دی طرفوں 6 ہزار مصنوعات شامل کیتیاں ڳئن تاں جو پاکستانی مصنوعات اچ 10نویاں چیزاں دا اندراج تھیندا پئے ، جیں اچ نمک سرفہرست اے، پاکستان توں مقامی کرنسی اچ تجارت وی ممکن اے۔اے ڳالھ انہاں کورنگی ایسو سی ایشن آف ٹریڈ اینڈ انڈسٹری (کاٹی)دے دورے دے موقع تے آکھی اے ۔ تقریب اچ کاٹی دے صدر فرازالرحمان، سینئر نائب صدر نگہت اعوان، نائب صدر مسلم محمدی، قائمہ کمیٹی دے چیئرمین راشد صدیقی، سابق صدور سید فرخ مظہر، شیخ فضل جلیل موجود ہن۔ قونصل جنرل آکھیے نمک تے مذاکرات ٻہوں واری تھئن لیکن کوئی معاہدہ نی طے پاتا ، ݙوہیں ملکاں دے تعلیمی اداریں دے درمیان 44معاہدے موجود ہن لیکن حکومتی سطح تے کوئی وی معاہدہ نی تھیا ، ایہا وجہ اے جو ملائیشیا اچ پاکستانی طلبہ کیتے مواقع محدود ہن ۔
