اسلام آباد۔7مارچ(اے پی پی)پورے ملک اچ ساݙھے ست ارب روپے دے وزیراعظم رمضان ریلیف پیکیج دی تقسیم شروع کرݙتی گئی ڄیڑھی چندر رات تئیں جاری رہسی۔ وزیراعظم رمضان پیکیج دے معیار اتے شفافیت دی کڑی نگرانی دی ہدایت کیتی جو رمضان المبارک اچ ٻیاں اشیاءِ ضروریہ دیاں قیمتاں اچ مصنوعی اضافہ کرݨ آلیاں اتے ذخیرہ اندوزاں دے خلاف سخت کارروائی کیتی ونڄے۔ رمضان اچ ہی بینظیر انکم سپورٹ پروگرام دے تحت 10 ہزار 500 روپے دی سہ ماہی قسط مستحق افراد اچ تقسیم کیتی ونڄے، بلوچستان اچ مستحقین کوں 2 ہزار روپے اضافی ݙتے ونڄن۔ اے ہدایات انہاں اسلام آباد اچ اپݨی اڳواݨی اچ تھیوݨ آلے اجلاس اچ آکھی۔ اجلاس اچ رمضان المبارک دے وزیرِ اعظم رمضان ریلیف پیکیج اتے بینظیر انکم سپورٹ پروگرام بارے اقدامات دا جائزہ ڳھدا ڳئے۔ اجلاس اچ سینیٹر اسحاق ڈار، احد خان چیمہ، شیزہ فاطمہ خواجہ، رومینہ خورشید عالم اتے متعلقہ اعلیٰ حکام شرکت کیتی۔
