اسلام آباد۔26اپریل(اے پی پی):ترجمان قومی اسمبلی آکھیے پاکستان تحریک انصاف دے ارکان مستعفی تھی چکن ایں سانڳے او ہݨ قومی اسمبلی اجلاس اچ شریک نی تھی سڳدے ۔ ھک بیان اچ ترجمان آکھیے پی ٹی آئی ارکان دے استعفیں متعلق سندھ ہائیکورٹ الیکشن کمیشن دا نوٹیفکیشن معطل کیتا جیں دے بعد سپیکر آئینی ماہرین نال مشاورت کیتی تے فیصلہ کیتا ڳئے جو پی ٹی آئی ارکان ہݨ قومی اسمبلی دے اجلاس اچ شریک نی تھی سڳدے ۔ ترجمان موجب سندھ ہائیکورٹ سپیکر قومی اسمبلی دے فیصلے متعلق کوئی فیصلہ نی ݙتا ایں کیتے مستعفی تھیوݨ آلے ارکان ہݨ رکن قومی اسمبلی دے رکن نی رہیے ۔ کہیں وی مستعفی رکن کوں ایوان اچ آوݨ دی اجازت نی ݙتی ونڄ سڳدی ۔ قومی اسمبلی رولز موجب کوئی اجنبی ایوان اچ داخل نی تھی سڳدا۔
