اسلام آباد۔8نومبر(اے پی پی) ازبکستان دے صدر شو کت مرزیوف وزیر تجارت و صنعت ڈاکٹر گوہر اعجاز کوں خط بھیڄے ۔ وزارت تجارت دی طرفوں جاری پریس ریلیز موجب ازبکستان دے صدر شو کت مرزیوف ݙو طرفہ تجارت ودھاوݨ کیتے ڈاکٹر گوہر اعجاز دی تعریف کیتی ۔ خط اچ ازبک صدر ݙو طرفہ تجارتی تعلقات کوں تکڑا بݨاوݨ سانڳے گوہر اعجاز دیاں کوششاں دی تعریف کیتی۔ انہاں آکھیے ڈاکٹر گوہر اعجاز اعلیٰ سطحی ݙو طرفہ معاہدے تے عملدرآمد سانڳے عملی اقدامات چاتن تے سانجھا تعاون ودھاوݨ سانڳے انہاں دیاں کوششاں قابل قدر ہن ۔ واضح رہے جو وزیر تجارت و صنعت ڈاکٹر گوہر اعجاز ݙو ݙینھ دے ازبکستان دورے کیتے روانہ تھئن ، او اپݨے دورے اچ پاکستان تے ازبکستان وچال سانجھی تجارت ودھاوݨ سانڳے ڳالھ مہاڑ کریسن تے ݙوہیں ملکاں وچال تجارتی تعلقات تکڑے کرݨ تے مستحکم بݨاوݨ کیتے مزید اقدامات تے ڳالھ مہاڑ کیتی ویسی۔
