آبادي ۾ تيزي سان اضافو قومي وسيلن تي زبردست دٻاءُ وجهي رهيو آهي: صدر ڊاڪٽر عارف علوي

2025-02-13 02:42:25

APP26-130223 ISLAMABAD: February 13 - Country Representative of the United Nations Population Fund (UNFPA), Dr. Luay Shabaneh, called on President Dr. Arif Alvi, at Aiwan-e-Sadr. APP/MAF/FHA

اسلام آباد– 13 – فيبروري (اي پي پي) صدر ڊاڪٽر عارف علوي ٻار جي صحت جي فروغ ۽ وڌندڙ آبادي تي ضابطو آڻڻ جي لاءِ خانداني منصوبابندي بابت معاشرتي روين ۾ تبديلي آڻڻ تي زور ڏيندي چيو آهي ته آبادي ۾ تيزي سان اضافو قومي وسيلن تي زبردست دٻاءُ وجهي رهيو آهي، عالم سڳورا، ميڊيا ۽ راءِ رکندڙ ماڻهو خانداني منصوبابندي جي حمايت سان معاشري ۾ مثبت تبديلي آڻڻ ۾ مدد ڪري سگهن ٿا. ايوان صدر جي پريس ونگ پاران جاري بيان موجب صدر اهڙن خيالن جو اظهار گڏيل قومن جي آبادي فنڊ جي پاڪستان ۾ نمائنده ڊاڪٽر لوئي شباني سان ملاقات دوران ڳالهائيندي ڪيو جنهن ايوان صدر ۾ ساڻس ملاقات ڪئي. صدر چيو ته وڌندڙ آبادي کي روڪڻ جي لاءِ خانداني منصوبابندي اهم ذريعو آهي، عالم سڳورن ۽ ميڊيا کي خانداني منصوبابندي بابت ماڻهن کي آگاهي فراهم ڪرڻ جي ضرورت آهي، سموريون ڌريون خانداني منصوبابندي ۽ بهتر خانداني صحت کي شادي شده جوڙن جي بنيادي انساني حقن طور تي فروغ ڏيڻ لاءِ ٺوس ڪوششون ڪن. صدر چيو ته خانداني منصوبابندي جي مصنوعات ۽ خدمتن جي طلب پوري ڪرڻ جي ضرورت آهي. هن عوام جي صحت ۽ غذائيت بهتر بڻائڻ جي لاءِ قدمن جي ضرورت تي زور ڏيندي چيو ته ماءُ ۽ ٻار جي موت جي شرح ۾ گهٽتائي آڻڻ جي ضرورت آهي. ڊاڪٽر عارف علوي چيو ته ماءُ جي صحت، توليدي صحت، ذهني ۽ جسماني ڪمزوري ۽ غذائيت جي کوٽ تي ڌيان ڏيڻو پوندو. هن خانداني منصوبابندي ۽ بهتر صحت جي فروغ لاءِ صوبائي حڪومتن سميت سمورين ڌرين پاران موثر قدم کڻڻ جي ضرورت تي زور ڏنو. گڏيل قومن جي آبادي فنڊ جي پاڪستان ۾ نمائنده ڊاڪٽر لوئي شباني صدر کي پاڪستان ۾ خانداني منصوبابندي جي خدمتن جي فروغ ۾ گڏيل قومن جي آبادي فنڊ جي ڪردار بابت آگاهه ڪندي چيو ته آبادي فنڊ اهم ادارو آهي جنهن پاڪستان ۾ هيستائين ڪيل سموري ڊيموگرافڪ ۽ هيلٿ سروي کي مدد فراهم ڪئي آهي. ڊاڪٽر لوئي شباني چيو ته آبادي فنڊ اعليٰ معيار جي خانداني منصوبابندي جي معلومات ۽ خدمتن جي تيز تر فراهمي ۽ پهچ جي لاءِ پاڪستان جي ڪوششن جي حمايت ڪري رهيو آهي. هن چيو ته گڏيل قومن جو آبادي فنڊ گذريل 50 سالن کان پاڪستان کي فني ۽ مالي مدد فراهم ڪري رهيو آهي.

مضمون کا ماخذ : جادوئی اسپن

متعلقہ مضامین