کوئٹہ ۔23اپریل (اے پی پی):وزیراعظم شہباز شریف خضدار۔کچلاک قومی شاہراہ دے سیکشن ون اتے ٹو دا سنگ بنیاد رکھ ݙتا۔ ھک تقریب اچ وزیراعظم منصوبے دا سنگ بنیاد رکھیا۔ ایں موقع تے وزیراعلیٰ بلوچستان عبدالقدوس بزنجو، وفاقی وزیر مواصلات مولانا اسعد محمود، صوبائی وزرا، ارکان پارلیمنٹ اتے این ایچ اے اتے متعلقہ محکمیں دے اعلیٰ افسران موجود ہن ۔ کراچی۔کوئٹہ۔چمن شاہراہ دی کل لمبائی 790 کلومیٹر اے۔ کراچی۔کوئٹہ۔چمن شاہراہ دے 330 کلومیٹر حصے خضدار۔کچلاک کوں تعمیرنو دے نال ݙو رویہ کیتا ویسی، ایں شاہراہ تے 37 پل اتے ھک ہزار کلورٹس بݨائے ویسن ۔ سڑک دی تعمیر توں 5 ہزار لوکاں کوں روزگار ملسی ۔
