اسلام آباد۔7جون (اے پی پی) وزیرِ اعظم محمد شہباز شریف نال چیئرمین مینجمنٹ کمیٹی پاکستان کرکٹ بورڈ نجم سیٹھی ملاقات کیتی اتے پاکستان اچ ڈومیسٹک کرکٹ دی بحالی دے اقدامات بارے ݙسیا۔ بدھ کوں وزیراعظم آفس دے میڈیا ونگ توں جاری بیان موجب ملاقات اچ نجم سیٹھی وزیرِاعظم کوں پاکستان کرکٹ بورڈ دے مختلف معاملیاں تے بریفنگ ݙتی۔ نجم سیٹھی وزیراعظم کوں پاکستان اچ ڈومیسٹک کرکٹ دی بحالی کیتے پاکستان کرکٹ بورڈ دے اقدامات بارے ݙسیا۔ ایں موقع تے پاکستان کرکٹ ٹیم دی بین الاقوامی ٹورنامنٹس اچ شمولیت تے وی ڳالھ کیتی ڳی۔ ملاقات اچ اڳوں تھیوݨ آلے ایشیا کرکٹ کپ بارے وی مشورہ کیتا ڳیا۔ ایں موقع تے وفاقی وزیرِ خزانہ اسحاق ڈار اتے وفاقی وزیرِ منصوبہ بندی احسن اقبال وی موجود ہن۔
.jpg)
