اسلام آباد۔15جنوری (اے پی پی) الیکشن کمیشن سینیٹ توں منظور تھیوݨ آلی انتخابات اچ التواء بارے قرارداد تے سینیٹ سیکریٹریٹ کوں خط لکھیے جئیں اچ آکھیا ڳئے جو ضروری انتظامات پورے کر ڳھدن، ایں مرحلے تے عام انتخابات ملتوی کرݨ مناسب کائنی۔ سنوار کوں جاری مراسلے اچ آکھیا ڳئیا جو سینیٹ توں منظور کیتی ڳئی قرارداد نمبر 562 تے الیکشن کمیشن دے اجلاس اچ ڳالھ تھئی اے۔ اجلاس اچ مشاہدہ کیتا ڳئے جو الیکشن کمیشن صدر اسلامی جمہوریہ پاکستان دی مشاورت نال 8 فروری 2024ءکوں عام انتخابات کراوݨ کیتے تاریخ مقرر کیتی اے۔ کمیشن امن و امان دی بحالی کیتے نگران وفاقی تے صوبائی حکومتاں کوں سکیورٹی صورتحال بہتر ٻݨاوݨ اتے عام انتخابات 2024ء دے پرامن انعقاد کیتے ووٹرز کوں سازگار ماحول ݙیوݨ دی ہدایت جاری کیتن۔ کمیشن عام انتخابات 2024ء کراوݨ کیتے ضروری انتظامات پورے کر ڳھدن، ایں مرحلے تے عام انتخابات ملتوی کرݨ مناسب کائنی۔
