اسلام آباد۔26جنوری(اے پی پی)الیکشن کمیشن آف پاکستان سنوار توں 8300 تے مفت ایس ایم ایس سروس شروع کرݨ دا فیصلہ کیتے۔ الیکشن کمیشن دے ترجمان اعلان کیتے جو ووٹرز 8300 تے اپݨا شناختی کارڈ نمبر ایس ایم ایس کر تے اپݨے پولنگ سٹیشنز اتے حلقیاں دی تفصیلات ڳھن سڳدن۔ ووٹر کوں میسیج کریندے ہی فوری طور تے ایس ایم ایس تے ووٹنگ دی تفصیلات بھیج ݙتیاں ویسن۔ ووٹرز کوں ووٹ پاوݨ کیتے اپݨا قومی شناختی کارڈ پولنگ سٹیشن ڳھن آوݨا ہوسی، زائد المیعاد شناختی کارڈ یا نویں شناختی کارڈ دے ٹوکن دی رسید تے ووٹ پاتا ونڄ سڳسی۔
