اسلام آباد۔21اپریل (اے پی پی):پاک بحریہ ضلع گوادر دے چھل توں متاثرہ وستیاں اچ محصور خانداناں تئیں ہیلی کاپٹرز دے ذریعے وختی راشن اتے ٻیا امدادی سامان پڄائے ۔ڈائریکٹوریٹ جنرل پبلک ریلیشنز (نیوی)دی طرفوں اتوار کوں جاری اعلامیہ موجب پاک بحریہ دا گوادر اوماڑہ اتے ایندے نال جڑیاں وستیاں اچ اڄوکے مینھ پاروں امدادی آپریشن گزریل ترائے ݙینھ توں جاری اے۔ واضح رہے جو پاک بحریہ کوں مقامی ذرائع توں ضلع گوادر دے پرے دے علاقیں اچ وݙے پیمانے تے مختلف خانداناں دے محصور ہووݨ دی اطلاع ملی تے متعلقہ دیہاتاں اچ متاثرین زمینی رابطہ منقطع ہووݨ پاروں راشن اتے ٻئی ضروریات زندگی توں مکمل محروم ہن۔ پاک بحریہ دی امدادی ٹیماں وختی ایکشن گھندے ہوئیں ریسکیو آپریشن کیتا تے مرادی، ڈنڈو، کولانچ اتے ضلع گوادر دے نیڑے وستیاں اچ راشن بیگز اتے امدادی سامان پݨائے پاک بحریہ دے سی کنگ ہیلی کاپٹراں سینکڑاں پھتے خانداناں تئیں ٻہوں ساریاں پروازاں دے ذریعے راشن ݙیوݨ کوں یقینی بݨائے ۔
