اسلام آباد – 07 آڪٽوبر (اي پي پي) قومي اسيمبلي جي اسپيڪر سردار اياز صادق چيو آهي ته پاڪستان برطانيه سان پنهنجي لاڳاپن کي انتهائي اهميت ڏئي ٿو ۽ اقتصادي تعاون ۽ پارلياماني سطح تي لاڳاپن جي ذريعي ٻه طرفي لاڳاپن کي وڌيڪ مستحڪم ڪرڻ جو خواهشمند آهي، پاڪستان گڏيل قومن جي قراردادن موجب ڳالهين جي ذريعي ڪشميرين کي خودمختياري جو حق ڏيارڻ لاءِ پرعزم آهي. هن اهڙن خيالن جو اظهار برطانيه جي لارڊ ملڪام گري بروس سان ملاقات دوران ڪيو جنهن ساڻس پارليامينٽ هائوس ۾ ملاقات ڪئي.
