اسلام آباد – 24 سيپٽمبر (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته منهنجي ڳالهه ٻولهه کي حقيقت کان هٽي ڪري پيش ڪرڻ افسوسناڪ آهي. پنهنجي ٽوئيٽ پيغام ۾ هن چيو ته سوشل ميڊيا جي معاشري تي اثرن جي ڏس ۾ ڳالهه ٿي رهي هئي، اوچتو زلزلو آيو، شرڪت ڪندڙ پريشان ٿي ويا، اتي موجود حاضرين جو حوصلو وڌائڻ لاءِ سوشل ميڊيا جي ڏس ۾ جملا چيا جنهن کي غلط رنگ ڏئي عوام کي گمراهه ڪرڻ جي افسوسناڪ ڪوشش ڪئي پئي وڃي.
