تہران۔28اکتوبر (اے پی پی):وزیر خارجہ مخدوم شاہ محمود قریشی خمیس کوں تہران اچ پاکستان ایمبیسی سکول دا دورہ کیتے۔ایمبیسی سکول پڄݨ تے ایران اچ تعینات پاکستانی سفیر رحیم حیات قریشی اتے سکول دے بورڈ آف گورنرز وزیر خارجہ دا خیر مقدم کیتے۔سکول دے ٻالاں وزیر خارجہ کوں پھلاں دے گلدستے پیش کیتے اتے خوش آمدید آکھیے ۔سفیر رحیم حیات قریشی وزیر خارجہ کوں سکول دے تاریخی پس منظر، انتظام و انصرام اتے تعلیمی معیار دے حوالے ںال مفصل بریفنگ ݙتی۔وزیر خارجہ سکول دے مختلف سیکشنز اچ ونڄ تے زیر تعلیم ٻالاں نال ڳال کیتی ۔وزیر خارجہ سکول دے معیار تعلیم دی تعریف کریندے ہوئیں اینکوں مزید چنڳاں بݨاوݨ دی لوڑھ تے زور ݙتے اتے سکول اچ موجود “وزٹرز بک” اچ آپݨے تاثرات قلمبند کیتے ۔واضح رہے جو پاکستان ایمبیسی سکول اپݨے اعلیٰ تعلیمی معیار دی وجہ توں تہران دی ڈپلومیٹک کمیونٹی اچ ٻہوں معروف اے۔
.jpg)
