اسلام آباد۔31جولائی (اے پی پی) وفاقی وزیر منصوبہ بندی ترقی تے اصلاحات پروفیسر احسن اقبال آکھیا جو موسمیاتی خطریاں نال نبڑݨ کیتے لائحہ عمل ٻݨاوݨ دی لوڑھ اے۔ ہنگامی صورتحال دے موثر ریسپانس کوں یقینی ٻݨاوݨ کیتے این ڈی ایم اے دا کردار ام اے۔ اے ڳالھیں انہاں بدھ کوں وزیراعظم پاکستان دی ہدایت تے این ڈی ایم اے اچ قومی سطح تے ڈیزاسٹر رسپانس کمیٹی دے اجلاس توں خطاب کریندیں ہوئیں آکھی۔ وزیراعظم مون سون اچ اداریاں وچال موثر تعاون کیتے ڈیزاسٹر رسپانس کمیٹی ٻݨائی ہئی۔ اجلاس دی صدارت وفاقی وزیر منصوبہ بندی، ترقی اتے خصوصی اقدامات احسن اقبال کیتی۔ وفاقی وزیر پروفیسر احسن اقبال دی صدارت اجلاس اچ ممکنہ ہنگامی حالات نال نبڑݨ کیتے ردعمل دے منصوبیاں کیتے لائحہ عمل تے ڳالھ کیتی۔ انہاں آکھیاجو ڈی آر سی دی تشکیل پاکستان دے ڈیزاسٹر مینجمنٹ فریم ورک کوں مضبوط ٻݨاوݨ کیتے اہم قدم اے۔ اجلاس دے چھیکڑ تے احسن اقبال موبائل ڈیزاسٹر ایمرجنسی آپریشن سینٹر دا دورہ کیتا۔
